پشاورکے نواحی علاقے میں سیکیورٹی فورسز نے مشترکہ سرچ آپریشن کے دوران 30 سےزیادہ مشتبہ افرادکو حراست میں لے لیا۔ دوسری طرف سی ٹی ڈی نے صوابی میں کارروائی کرتے ہوئے ایک دہشت گرد کو گرفتارکرلیا۔
پولیس کے مطابق سیکیورٹی فورسز کے ساتھ مشترکہ سرچ آپریشن پشاور کے علاقے پھندو کے علاقہ میں کیاگیا۔ اس دوران حراست میں لیے گئے ملزمان میں دس افغان باشندے بھی شامل ہیں۔ مشتبہ افراد کے قبضہ سے اسلحہ اور منشیات بھی برآمدہوئیں۔
سی ٹی ڈی کے مطابق صوابی میں کارروائی کے دوران وسیم نامی دہشت گرد کوگرفتارکیاگیا۔ دہشت گرد وسیم گذشتہ سال پولیس مقابلے کے دوران فرار ہوگیا تھا۔ ملزم کے ایک ساتھی نے پولیس مقابلے میں خود کو بارودی مواد سے اڑایا تھا۔ پولیس مقابلے کے دوران ایک کانسٹیبل زخمی بھی ہوا تھا۔