بھارت میں اب خواتین بھی سرحد وں کی نگرانی کے فرائض انجام دیں گی،بھارت نے چین کے ساتھ سرحد کے اگلے مورچوں پر پہلی بار بارڈر پولیس کی100 خواتین اہلکاروں کو تعینات کردیا ۔
ایک غیر ملکی ویب سائٹ کے مطابق انڈو تبت بارڈر پولیس کی 100خواتین کانسٹیبل لداخ، سکم، ہماچل پردیش، اترکھنڈ اور اروناچل پردیش کے 15 اگلے مورچوں پر فرائض انجام دیں گی،سطح سمندر سے 14 ہزار فٹ تک بلندی پر واقع اگلے مورچوں پر تعیناتی کے لئے 5 سو خواتین کو خصوصی تربیت دی گئی ہے۔
بارڈر پولیس حکام کے مطابق مزید خواتین اہلکاروں کو بھی جلد اگلے مورچوں پر تعینات کردیا جائے گا۔