کراچی(اسٹاف رپورٹر) پی ایچ ایف انٹرکلب ہاکی ٹورنامنٹ میں کراچی میں بدھ کو چھ میچوں کا فیصلہ ہوا کسٹم اسپورٹس کمپلیکس میں الفصیل کلب نےالصغیر کلب کو ایک گول سے شکست دی ۔ فیصلہ کن گول بلال نے اسکور کیا محمود الیون نے ناظم آباد کلب کو 3-1 سے مات دی فاتح ٹیم کی جانب سےحامد، آصف نور، حنیف نے گول بنائے ناظم آبادکاواحد گول اکبر نے اسکورکیا۔ الصغیر وائٹ نے نیول کلب کو 6-0 سے ہرایا۔ ارباز اور عبید نے 2،2 ، وہاب اور شبرنے 1،1 گول بنائے۔ عبدالستار ایدھی اسٹیڈیم میں وحیدالیون نے حبیبین کو سڈن ڈیتھ پرشکست دی مقررہ وقت میں 3-3 اور پنلٹی اسکور پر 5-5سے میچ برابر تھا۔ بلدیہ ہاکی کلب نے یونائیٹڈ جیم خانہ کو 5-1 سے اور بلدیہ ایگل نے پولیس بوائز کو 3-0 سے ہرایا۔
فرمان الہی
نماز کے اوقات
