پشاور(خصوصی نامہ نگار) خیبر پختونخوا ٹینس ایسوسی ایشن کے زیر اہتمام جاری آئی جی خورشید عالم خان میموریل انٹر ریجنل خیبرپختونخوا ٹینس چیمپئن شپ قیوم میں منگل کو ہونیوالے سنگلز مقابلوں کے پہلے راؤنڈ میں شعیب خان نے سیڈ نمبر پانچ عباس خان کو چار چھ، سات پانچ اورچھ چار سے شکست دیکر اپ سیٹ کر دیا۔ جبران نے حمید قدیر کو چھ ایک اور چھ ایک سے ہرایا۔راشد خان نے شان کو چھ تین ، چھ تین، شاہین نے یاسر آفریدی کو چھ دو اور چھ تین جبکہ ثاقب عمر نے عاقب عمر کو چھ دو اور چھ چار سے ہرایا۔ انڈر14 میں حمزہ رومان نے حسام محمود کو چھ صفر اور چھ ایک جبکہ رومان اللہ نے احمد عبداللہ کو چھ دو اور چھ ایک سے ، انڈر12 میں حامد اسرار نے جمال کو چھ دو اور چھ تین سے ہرایا۔ چوائس انٹرنیشنل خیبرپختونخوا کے سربراہ شفیع الرحمٰن مہمان خصوصی تھےصوبائی ٹینس ایسوسی ایشن کے سیکرٹری عمرایاز خلیل بھی ان کے ہمراہ تھے۔
فرمان الہی
نماز کے اوقات
