لاہور(نمائندہ جنگ) امیر جماعت اسلامی سینیٹر سراج الحق نے کہا ہے کہ ترک قیادت نے کرپشن پر قابو پا کر ترقی کی شاندار مثال قائم کی ہے۔ پاکستان اور ترکی مل کر اسلامی دنیا کی قیادت کرسکتے ہیں۔ترکی میں حالیہ بغاوت کی ناکامی پر پاکستانی قوم میں خوشی کی لہر دوڑ گئی تھی۔ترکی خلافت عثمانیہ کا مظہر اور خلافت کا آخری مرکز ہونے کے ناتے مسلمانوں میں خاص اہمیت کا حامل ہے۔دنیا بھر کے مظلوم انسان طیب ایردوان کو اپنی آخری امید قرار دیتے ہیں ۔ ان خیالات کا اظہار انہوں نے ترک صدر طیب ایردوان کے مشیر اعلیٰ ایچ اِلنورچیویک سے منصورہ میں ملاقات کے دوران کیا ۔ سینیٹر سراج الحق نے کہاکہ پاکستان اور ترکی دو نوں برادر اسلامی ممالک اسلام کے لازوال رشتے میں بندھے ہوئے ہیں۔ عالم اسلام کو موجودہ انتشار اور انارکی سے نکالنے اور اتحاد امت کے لیے دونوں ممالک موثر کردار ادا کرسکتے ہیں ۔ انہوں نے کہاکہ طیب ایردوان کی قیادت میں ترکی نے ترقی کا جو شاندار سفر طے کیاہے ، وہ ان کی سیاسی بصیرت اور بہترین معاشی منصوبہ بندی کا مظہرہے، پورے عالم اسلام کو اس کامیاب تجربے سے سیکھنے کی ضرورت ہے ۔
فرمان الہی
نماز کے اوقات
