کراچی(اسٹاف رپورٹر) انٹرنیشنل ہاکی فیڈریشن کے انتخابات ہفتے کو دبئی میں ہونگے جس میں شرکت کے لئے جبکہ پاکستان ہاکی فیڈریشن کے صدر بریگیڈئر (ر) خالد سجاد کھوکھر اور سیکرٹری جنرل شہباز سینئر الیکشن عمل میں حصہ لینے کیلئے متحدہ عرب امارات پہنچ گئے ۔ انتخاب میں ایف آئی ایچ ایگزیکٹو کونسل کے نئے ارکان بھی منتخب کئے جائینگے جبکہ انٹرنیشنل ہاکی فیڈریشن کے نئے صدر کا چنائو بھی عمل میں لایا جائیگا ۔ ایف آئی ایچ کے موجودہ صدر لینڈرو نیگرے 8سال عہدے پر فائر رہے ۔ ایف آئی ایچ کے نئے صدر کیلئے تین امیدوار مد مقابل ہونگے جس کے تحت آسٹریلیا کے کین ریڈ اوربھارت کے نریندر بترا صدارت کیلئے فیورٹ قرار دیئے جا رہے ہیں جبکہ اس دوڑ میں آئر لینڈ کے ڈیوڈ با لبیراینی بھی ایف آئی ایچ کے صدارت کے خواہاں ہیں ۔
فرمان الہی
نماز کے اوقات
