بہاولپور(سٹی رپورٹر) چیئرمین بہاولپور ویسٹ مینجمنٹ کمپنی سمیع اللہ چوہدری کی دعوت پر مشیر وزیر اعظم و سینیٹر مسلم لیگ(ن) چوہدری سعود مجید نے صوبائی پارلیمانی سیکریٹری آبپاشی و ممبر صوبائی اسمبلی خالد محمود ججہ کے ہمراہ بہاولپور ویسٹ مینجمنٹ کمپنی کا دورہ کیا۔ ملاقات کے دوران انہیں کمپنی کی کارکردگی کے حوالے سے تفصیلی بریفنگ دی گئی۔ منیجنگ ڈائریکٹر بی ڈبلیو ایم سی محمد نعیم اختر نے انہیں بریفنگ دیتے ہوئے بتایا کہ پنجاب حکومت کی جانب سے بہاولپور میں سالڈ ویسٹ مینجمنٹ کمپنی کے قیام کی منظور ی کے بعدکمپنی گزشتہ تیس ماہ سے بہاولپور میں صفائی ستھرائی کی ذمہ داریا ں سرانجام دے رہی ہے۔ انہوں نے بتایا ابتدائی طور پرٹی ایم اے کی 19 گاڑیاں کمپنی کے حوالے کی گئی تھیں جن کی حالت انتہائی ابتر تھی جبکہ کمپنی نے اپنے وسائل سے تقریباً90 گاڑیاں خرید کر ان میں ٹریکرز لگوائے گئے ، انہوں نے بریفنگ دیتے ہوئے بتایا کہ شہریوں کو صفائی کی سہولیات انکی دہلیز پر پہنچانے کیلئے کمپنی ہیلپ لائن 1139 کا قیام عمل میں لایا گیا ہے۔
فرمان الہی
نماز کے اوقات
