ملتان (نمائندگان )رحیم یار خان،حاصل پور،سکندرآباد میں حادثے،میاں بیوی سمیت 4ہلاک ہو گئے تفصیل کے مطابق سول ہسپتا ل حاصل پور کے ملازم میاں بیوی محمد عارف اور بشیراں مائی بستی علی دی گوٹھ سے حاصل پور موٹر سائیکل پر جا رہے تھے کہ اڈا قائم پور کے قریب پیچھے سے آنے والا تیز رفتار ٹریلر ٹرالی کو اوور ٹیک کرتے ہوئے ان پر چڑھ گیا،دونوں میاں بیوی ٹائروں کے نیچے آکر بری طرح کچلے گئے بعد میں آنے والی چند گاڑیاں بھی ان کو کچلتی رہیں۔بشیراں مائی کا سارا جسم جبکہ عارف کا آدھا جسم کچومر بن گیا۔اعضاسو میٹرتک سڑک پر بکھرے ہوے تھے جسے ورثاء چن کر کپڑے میں باندھ کر لے گئے محمد عارف پانچ بچوں کا باپ تھا علاوہ ازیں رحیم یارخان چک102پی کارہائشی تین سالہ کمسن حبیب الرحمن جو کہ ٹریکٹر کے پیچھے کھیل رہاتھا کہ اسی دوران اس کے والد محمد افضل نے لاعلمی کے باعث ٹریکٹر پیچھے کرتے ہوئے کمسن بیٹے حبیب الرحمن کوکچل ڈالا جس کے نتیجہ میں وہ دم توڑگیادریں اثنا سکندرآبادموضع چھچوشاہ کا رہائشی22سالہ محمدریاض گدھا ریڑھی پر اپنے گھر کی طرف جارہاتھاکہ اچانک ریڑھی سے گرکر جابحق ہوگیا مرحوم کی ایک ماہ قبل ہی شادی ہوئی تھی۔
فرمان الہی
نماز کے اوقات
