امیر جماعت اسلامی سراج الحق نے کہا ہے کہ جنرل راحیل شریف سلیقے سے رخصت ہوئے نئے آرمی چیف کی ضابطے سے تقرری خوش آئند ہے،مودی نے پاکستان کا پانی بند کیا تو ہم اس کی سانس بند کردیں گے۔
باغ جناح کراچی میں جماعت اسلامی کا2 روزہ سندھ ورکرز کنونشن شروع ہو گیا جس میں کراچی سمیت سندھ بھر سے عہدیداروں اور کارکنوں کی بڑی تعداد شریک ہے۔
امیر جماعت اسلامی سراج الحق نے کنونشن سے خطاب میں کہا کہ پیپلز پارٹی اور مسلم لیگ نے چار چار بار حکومت کی لیکن عوام کا حال نہیں بدل سکا۔
سابق امیر جماعت اسلامی منور حسن نے کہا کہ ہمیں اسلام کے اصل موضوع اور اس کی فطرت کو سمجھنے کی ضرورت ہے، امریکا کبھی ہمارا خیر خواہ نہیں ہو سکتا۔جماعت اسلامی کا ورکرز کنونشن اتوار کو بھی جاری رہے گا ۔
فرمان الہی
نماز کے اوقات
