کراچی (اسٹاف رپورٹر) کراچی ہاکی ایسوسی ایشن میں بڑے پیمانے پر تبدیلی کی گئی ہے ، نئے صدر اور سکریٹری نے پچھلےتمام عہدے داروں کو تبدیل کردیا ہے البتہ خواتین کو نمائندگی سے محروم رکھا گیا ہے۔ ایسوسی ایشن کے سکریٹری سید حیدر حسین کے والد نسیم حسین کو کونسل میں شامل کیا گیا ہے۔ پاکستان ہاکی فیڈریشن کے سابق خزانچی گل فراز خان نئے چیئرمین منتخب ہوگئے، ڈاکٹر جنید علی شاہ صدر، سید حیدر حسین سکریٹری ، اعجاز الدین سینئر نائب صدر، رحمان خان، طلعت محمود اور قدیر احمد نائب صدور، جاوید اقبال اور عبد العزیز خان، جوائنٹ سکریٹریٹز، صغیر حسین خزانچی منتخب ہوئے۔ عارف حیات، ریاض الدین، اولمپئن منصور احمد، سید نسیم حسین، حنیف کیانی، زاہد حسین، انور فاروقی، پروفیسر رائو جاوید، محمد علی جعفری، معید خان، عظمت پاشا، محسن علی خان اور سلیمان شیخ کونسل ارکان ہونگے۔
فرمان الہی
نماز کے اوقات
