گجرات (نمائندہ جنگ) ڈکیتی و چوری کی 4 وارداتوں میں ملکی وغیر ملکی کرنسی، زیورات، لیپ ٹاپس، موبائل فونز، سامان الیکٹرونکس اور دستاویزات لوٹ لی گئیں، تھپلہ کے قریب ڈاکوؤں نے جعلی ایف آئی اے ٹیم بن کر کے اسلام آباد ائیرپورٹ سے کنجاہ کی طرف جاتی گاڑی کو روک کر نجم ظفر سے 32ہزار نارویجن کرونے، 2 ہزار یورو، 60 ہزار روپے، قیمتی موبائل، لیپ ٹاپ اور بچوں کے گفٹ جبکہ سجاد حسین کے بیٹے سے 60 ہزار نارویجن کرونے، لیپ ٹاپ، موبائل فون، پرفیوم اور کپڑے چھین لیے، سول لائن گجرات کے علاقہ نارووالی بھٹہ کے قریب 3 ڈاکو سپین پلٹ ملک قیصر محمود سے 3ہزار یورو، 14لاکھ 50ہزارروپے نقدی، 9تولے زیورات، موبائل فونز ودیگر قیمتی کاغذات لوٹ کر لے گئے، پسوال سے چور منیر احمد کے گھر کے تالے توڑ کر 15ہزار درہم، 10تولے زیورات، ملبوسات اور گھریلوسامان وغیرہ جبکہ گلیانہ کے علاقہ سے چور باسط اشفاق کے گھر کے تالے توڑ کر سامان الیکٹرونکس اور ٹوٹیاں وغیرہ چوری کرکے لے گئے، پولیس نے مقدمات درج کرلیے۔
فرمان الہی
نماز کے اوقات
