خیرپور (بیورو رپورٹ) خیرپو رمیں کچہری روڈ پر فرسٹ وومین بینک میں آگ لگ گئی آگ صبح 8بجے بینک کے کچن میں بجلی کے شارٹ سرکٹ سے لگی۔ بینک میں آگ لگنے کے دوران بینک کا عملہ ڈیوٹی پر آ چکا تھا آگ دیکھ کر عملے میں افرا تفری پھیل گئی اور عملہ بھاگ کر بینک سے باہر نکل آیا بینک میں آگ کی اطلاع پر فائر بریگیڈ عملہ فوری بینک پہنچ گیا۔ اے ایس پی محمد عمرا ن مرزا اور ایس ایچ او اے سیکشن سید اصغر شاہ بھاری پولیس فورس لیکر بینک پہنچ گئے جبکہ رینجرز فورس بھی آگ بجھانے میں مدد کے لیے پہنچ گئی۔ بینک میں آگ لگنے سے بینک کے کچھ فرنیچر کا نقصان ہوا جبکہ بینک کے اسٹرانگ روم اور کیش کو بچا لیا گیا اور جانی نقصان بھی نہیں ہوا ۔
فرمان الہی
نماز کے اوقات
