شبقدر (نمائند ہ جنگ) تھانہ سرو کلی کے علاقہ ڈنڈوں پل کے قریب ایف سی کی گاڑی پر ریموٹ بم حملہ، ایف سی صوبیدار معمولی زخمی ہوا۔پولیس اور ایف سی نے مشترکہ سرچ آپریشن کرکے24مشتبہ افراد گرفتار کر لیا اسلحہ بھی برآمد ہوا۔تفصیلات کے مطابق ایف سی اہلکاروں کا قافلہ مہمند ایجنسی سے پشاور جا رہا تھا کہ تھانہ سروکلی کے علاقہ ڈنڈوں پل کے مقام پر سڑک کنارے نصب بارودی مواد زور دار دھماکے سے پھٹ گیا جس کے نتیجے میں ایف سی صوبیدار نجب علی معمولی زخمی ہو گیا جبکہ سی گاڑی کو جزعی نقصان پہنچا ۔واقعہ کے بعد ڈی ایس پی شبقدر فیاض خان اور تمام سرکل کے ایس ایچ اوز سمیت ایف سی کے جوانوں نے سروکلی ،کڈی ،سمنات ،کونڑا کالونی اور دیگر علاقوں میں سرچ آپریشن کر دیا ۔ڈی ایس پی کے مطابق سرچ آپریشن کے دوران مجموعی طور پر 24 مشتبہ افراد کو گرفتار کرکے ان کے قبضے سے کلاشنکوف، چار رائفلز ،ایک بندوق اور ایک پشتول برآمد کر لیا گیا۔گرفتار افراد کو مزید تفتیش کیلئے نامعلوم مقام پر منتقل کر دیا گیا ۔سرچ آپریشن کے دوران شبقدر یکہ غنڈ شاہرا ہ کو ہر قسم کی ٹریفک کے لئے بند کیا گیا تھا ۔
فرمان الہی
نماز کے اوقات
