گوجرانوالہ (صباح نیوز) گوجرانوالہ میں نامعلوم افراد نے فائرنگ کر کے خاتون سمیت 3 افراد کو قتل کر دیا گیا۔ پیپلزکالونی کشمیر روڈ پر تینوں مقتولین موٹرسائیکل پر جا رہے تھے کہ نامعلوم افراد نے فائرنگ کر کے قتل کر دیا۔ مقتولین میں حفیظ اکرم اس کی والدہ عابدہ پروین اور ایک رشتہ دار نذیر شامل ہیں۔ پولیس کے مطابق مقتولین کی قاتلوں سے پرانی دشمنی چلی آ رہی ہے اور دونوں خاندانوں کے کئی افراد اب تک ہلاک ہو چکے ہیں۔ مخالفین کی فائرنگ سے تینوں افراد موقع پر ہی جاں بحق ہو گئے جبکہ حملہ آور موقع سے فرار ہونے میں کامیاب ہو گئے۔ پولیس کی بھاری نفری نے موقع پر پہنچ کر ملزمان کی تلاش کے لئے کارروائی شروع کر دی جبکہ مقتولین کی لاشیں سول ہسپتال گوجرانوالہ منتقل کر دی گئی ہیں۔
فرمان الہی
نماز کے اوقات
