گوجرانوالہ( نمائندہ جنگ )تھانہ اروپ میں ملزمہ خاتون پروین سے زیادتی کیس کی تحقیقات شروع کردی گئی ہیں ذرائع کے مطابق ابتدائی میڈیکل رپورٹ میں زیادتی کی تصدیق کردی گئی ہے اروپ پولیس نے پروین بی بی سے زیادتی کرنے والے ویٹر شہزاد عرف نکو کو گرفتار کرکے پوچھ گچھ شروع کردی ہے ادھر سی پی او گوجرانوالہ وقاص نذیر کے مطابق اروپ پولیس نے ڈکیتی کی وارداتوں میں ملوث اشتہاری مجرم شمس کو گرفتار کرلیا تو اس نے انکشاف کیا کہ وہ اپنی گرل فرینڈ پروین کے ذریعے ڈکیتی میں لوٹا ہوا زیور فروخت کرتا تھا جس پر پروین کو بھی اروپ پولیس نے حراست میں لے کر تھانے لے آئی اس دوران لیڈی کانسٹیبل صباح کی اس کے پاس ڈیوٹی لگائی گئی تھی رات کو کانسٹیبل صباح دوسرے کمرے میں چلی گئی جبکہ خاتون پروین نے الزام عائد کیا کہ شہزاد نے اسے مقدمہ سے چھڑانے کا جھانسہ دے کر اسے سردار ٹائون لے گیا اور اس سے زیادتی کی سی پی او کے مطابق پولیس نے خاتون کو خلاف قانون تھانے میں رکھا اور اپنے سینئر افسران کو بھی مطلع نہ کیا۔ اگر اسے ریکوری کیلئےبھی رکھا گیا تھا تب بھی سینئر افسراان کے علم میں لانا ضروری ہوتا ہے مگر ایسا نہ کیا گیا جس پر ایس ایچ او کو معطل کردیا گیا ہے اور ڈی ایس پی ماڈل ٹائون میاں معظم کو انکوائری آفیسر مقرر کردیا گیا ہے جو آج رپورٹ پیش کریں گے ،ادھر ڈی این اے ٹیسٹ کے لئے اجزاء لاہور بھجوادیئے گئے ہیں۔
فرمان الہی
نماز کے اوقات
