بہاولپور(ڈسٹرکٹ رپورٹر)شانِ بہاولپور ایوارڈ 2016ء تقریب25 دسمبر کو اسلامیہ یونیورسٹی بغداد الجدید کیمپس کے آڈیٹوریم میں شام6 بجے منعقد ہوگی۔ یہ بات ڈسٹرکٹ آفیسر کوآرڈی نیشن امجد بشیر نے تقریب کے انتظامات کا جائزہ لیتے ہوئے بتائی۔ اس موقع پر پروفیسر ڈاکٹر خواجہ محمد فیاض، اسسٹنٹ کمشنر سٹی راؤ تسلیم اختر، اسسٹنٹ کمشنر ہیڈ کوارٹر محمد طیب، ای ڈی او ایگریکلچر تنویر احمد، ایڈمنسٹریٹر سسٹم نیٹ ورک عظیم ذیشان، سوشل ویلفیئر آفیسر محمد عزیر، ڈی ای او ایجوکیشن علی محمد، آغا صدف مہدی اور دیگر متعلقہ محکموں کے افسران موجود تھے۔ڈسٹرکٹ آفیسر کوآرڈی نیشن نے کہا کہ شانِ بہاول پورایوارڈبہاولپور ضلع سے تعلق رکھنے والے افراد کو دیا جائے گا جنہوں نے اپنے اپنے شعبوں میں اعلیٰ کارکردگی کا مظاہرہ کیا ہے۔ انہوں نے کہا کہ ایوارڈ تقریب کے تمام انتظامات شاندار انداز میں انجام دئیے جائیں۔
فرمان الہی
نماز کے اوقات
