پشاور (کامرس رپورٹر)شبقدر گرڈ سٹیشن میں آگ لگنے کے باعث گرڈ کے 7 گیارہ کے وی پینلز جل گئے ہیں جن میں گیارہ کے وی امباڈھیر،گیارہ کے وی مٹہ مغل خیل،گیارہ کے وی پیرقلعہ،گیارہ کے وی رشکئی،گیارہ کے وی انڈسٹریل اوردوسپئرفیڈرز شامل ہیں۔چیف ایگزیکٹیوپیسکو انوارالحق یوسف زئی فوری طورپر شبقدر گرڈ سٹیشن پہنچ گئے اور حالات کا جائزہ لیا اورمتاثرہ فیڈرز پربحالی کا کام شروع کردیا گیا جبکہ 13 فیڈرز جو کہ آتشزدگی سے محفوظ رہے ہیں کو احتیاطی طورپربندکیا گیا ہے اور توقع ہے کہ ان فیڈرز سے بجلی کی فراہمی آج جمعرات کو بحال کردی جائے گی چیف ایگزیکٹیوبحالی کے تمام کاموں کی نگرانی خود کررہے ہیں اور ٹیکنیکل اہلکاروں کو ہدایات جاری کررہے ہیں۔
فرمان الہی
نماز کے اوقات
