ملتان(سٹاف رپورٹر) منتخب ہونے والے مئیر،ڈپٹی مئیرز اور چیئرمین ضلع کونسل ،وائس چیئرمینز کو مبارکبادیں دینے کا سلسلہ جاری ہے۔چیئرمین ضلع کونسل ملتان دیوان عباس بخاری سے یوسی خان بیلہ کے فیض رسول بلوچ اورسیف الرحمن قریشی نے ملاقات کی جبکہ اس موقع پر ایم این اے جاوید علی شاہ بھی موجود تھے۔اس موقع پرانہوں نے دیوان عباس بخاری کو چیئرمین ضلع کونسل منتخب ہونے پر مبارکباد دی اور علاقے کے مسائل سے اگاہ کیا،دیوان عباس کا اس موقع پر کہنا تھا کہ عوام کے مسائل کا حل اولین ترجیح ہوگا،مسلم لیگی رہنماشیخ مقصود اور علی مقصودنے مئیرملتان چوہدری نویدآرائیں سے ملاقات کی اور انہیں کا میابی پر مبارکباد دی،مئیرملتان کا کہنا تھا کہ عوام نے ان پرجن توقعات کااظہارکیا ہے،اس پرپورا اترنے کی کوشش کروں گا۔ لیگی ایم پی اے سلطانہ شاہین،فہمیدہ چوہان،سہیلہ اقبال ،اعجاز لنگاہ ودیگر نے ڈپٹی مئیرملتان حاجی سعیدانصاری سے ملاقات کی اور انہیں مبارکباد دی اورپھولوں کا گلدستہ دیا۔دریں اثناء مسلم لیگ(ن)کے سٹی صدر جلالپور پیروالہ مشتاق بلوچ نے نومنتخب وائس چئیرمین ضلع کونسل ملتان سرفراز کھورسے ملاقات کی اور انہیں حلف اٹھانے پر مبارکباددی۔
فرمان الہی
نماز کے اوقات
