کراچی (جنگ نیوز) جیونیوز کے پروگرام ”خبرناک“ میں جمعہ کو ناظرین لال حویلی کے باہر ڈمی شیخ رشید کی بیٹھک ملاحظہ کریں گے جہاں گفتگو کرتے ہوئے اُن کا کہنا تھا کہ جب سے بالوں میں سفیدی آئی ہے کوئی سگریٹ بھی نہیں پوچھتا۔ پانا کیس سے متعلق سوال ہوا تو شیخ صاحب نے کمر کس لی اور بتایا کہ اب وکیل نہیں ”کیل “ کام کرے گا۔ اس موقع پر موجود ”اسٹپنی وکیل“ نے شکوہ کیا کہ مجھ سے تو کوئی ڈھنگ کا سوال ہی نہیں کرتا۔ پروگرام کے دوران شیخ رشید (ڈمی) نے پیش گوئی کی کہ عوام جلد مجھے صدر اور عمران کو وزیراعظم دیکھیں گے۔ ”اکھاڑے ویران، پہلوان بدحال اور سیاست بدنام“ کا سیگمنٹ بھی دلچسپ ہوگا اس کے علاوہ خواجہ سراؤں کےلئے خوشخبری بھی بتائی جائے گی۔ طنز و مزاح سے بھر پور ”خبرناک“ عائشہ جہانزیب کی میزبانی میں رات11 بجکر5منٹ پر نشر کیا جائے گا۔
فرمان الہی
نماز کے اوقات
