بہاولپور(ڈسٹرکٹ رپورٹر)چوک بازار میں مبینہ طورپر جیب تراشی کرنیوالی خواتین اپنی کارروائی میں مصروف تھیں جس کی اطلاع پولیس تھانہ کوتوالی کودی گئی توپولیس کی نفری موقع پر پہنچ گئی ،جنہوں نے کارروائی کرتے ہوئے مبینہ جیب تراش خواتین رابعہ، صوبیہ،نادیہ کو پکڑنے کی کوشش کی جس پر خواتین نے شدید ردِ عمل کامظاہرہ کیا، پولیس کے ساتھ جھگڑا شروع کردیا۔اس دوران خواتین کے رشتے دار اورسپورٹران بھی آگئے ،جنہوں نے خواتین کوپولیس کی حراست سے چھڑانے کی کوشش کی۔ جبکہ پولیس خواتین کو گرفتارکرکے پولیس سٹیشن لے گئی اوران کے خلاف مقدمہ درج کرلیاگیا۔ اس حوالے سے ترجمان ڈی پی او آفس نے بتایاکہ خواتین پہلے بھی جیب تراشی کی وارداتوں میں ملوث رہی ہیں، خواتین ملزما ن کے خلاف مقدمہ درج کرلیاگیاہے۔
فرمان الہی
نماز کے اوقات
