خیرپور(بیورو رپورٹ)خیرپور کے شہری علاقوں اور ٹنڈومستی میں پولیس کا جرائم پیشہ افرا د کے خلاف سرچ آپریشن، 25سال سزا یافتہ اشتہاری ڈاکو پناہ چانڈیو سمیت 13روپوش ملزمان گرفتار کر لیے گئے تفصیلات کے مطابق خیرپور کی بھاری پولیس فورس نے شہر کے مختلف علاقوں اور ٹنڈومستی میں سرچ آپریشن کر کے 25سال سزا یافتہ اشتہاری ڈاکو پناہ چانڈیو سمیت 13روپوش ملزمان کو گرفتار کر لیا۔ ایس ایس پی پیر محمد شاہ نے نمائندہ جنگ کو بتایا کہ 25سال سزا یافتہ اشتہاری ڈاکو پناہ چانڈیو کی ٹنڈومستی میں موجود گی کی اطلاع پر علاقے کا محاصرہ کر کے سرچ آپریشن کیا گیا اور ملزم کو گرفتا ر کر لیا گیا۔ ملزم پناہ چانڈیو کو انسداد دہشت گردی کی خصوصی عدالت نے ایک سنگین مقدمے میں 25سال قید بامشقت کی سزا سنائی تھی بعدازاں اس کو اشتہاری مجرم قرار دیا گیا تھا اور وہ کافی عرصے سے روپوش تھا گرفتار کئے جانے والے ملزم کے قبضے سے اسلحہ بھی بر آمد کر لیا گیا ہے۔ ملزم نے پوچھ گچھ کے دوران اپنے گر وہ کے دیگر ساتھیوں کے نام بھی بتا دیئے ہیں ان کی گرفتاری کے لیے پولیس کی خصوصی ٹیمیں بنادی گئی ہیں۔ ایس ایس پی پیر محمد شاہ نے بتایا کہ خیرپور شہر کے اے سیکشن اور بی سیکشن تھانوں کے لقمان ،ملز کالونی ،الطاف کالونی ،اوستہ گاہی اور دیگر علاقوں میں بھی جرائم پیشہ افراد کے خلاف سرچ آپریشن کیا گیا اور 12ملزمان گرفتار کئے گئے۔ گرفتار کئے جانے والے ملزمان اسٹریٹ کرائم اور دیگر سنگین وارداتوں کے مقدمات میں مطلوب تھے۔ انہوں نے بتایا کہ مجرمانہ سر گرمیوں میں ملوث ملزمان کے خلاف بغیر کسی وقفے کے سرچ آپریشن جاری رکھا جائے گا تمام ملزمان کو گرفتار کر کے خیرپور ضلع کو مکمل طور پر امن کا ضلع بنا یا جائے گا۔
فرمان الہی
نماز کے اوقات
