گوجرانوالہ(نمائندہ جنگ)واسا کی نااہلی یوسی 50 کے بازار اور گلیاں گندے پانی میں ڈوب گئیں‘ چیئرمین اور وائس چیئرمین سمیت سینکڑوں علاقہ مکینوں نے ایم ڈی واسا کے خلاف احتجاج کیا ، علامتی قبر بنا ئی اور علامتی جنازہ بھی نکالا علاقہ میں سیوریج اور صفائی کا نظام بہتر نہ بنایا گیا تو ڈپٹی کمشنر آفس کے سامنے دھرنا دینگے،یونین کونسل50 کے چیئرمین جاوید مہر ‘ وائس چیئرمین رانا مقصود احمد نے سینکڑوں علاقہ مکینوں کے ہمراہ ایم ڈی واسا کے خلاف احتجاج کرتے ہوئے کہا ہے کہ گلہ کمہاراں والا ‘ مدنی مسجد والا بازار سمیت درجنوں گلیاں ‘ کئی ماہ سے گندے پانی میں ڈوبی ہیں ، نمازیوں کو مسجد میں نماز پڑھنے کیلئے جانے پر دشواری کا سامنا کرنا پڑتا ہے ،انہوں نے کہا کہ سیوریج مسائل بارے واسا حکام کو آگاہ کیا مگر کوئی پیش رفت نہ ہوئی جس پر اہل علاقہ احتجاج پر مجبور ہوئے ہیں۔
فرمان الہی
نماز کے اوقات
