لیہ، لاہور، بدوملہی ، نارنگ منڈی ، فیروزوٹواں (کرائم رپورٹر سے، نامہ نگاران، مانیٹرنگ سیل ) لیہ کے علاقے فتح پور میں ٹرک نے سکول وین کو ٹکر ماردی ، چھ بچوں سمیت 8 افراد جاں بحق ہوگئے ۔ لاہور میں ماں بیٹی اور فیروزوٹواں میں دوخواتین حادثہ کا شکار ہوگئیں۔ملتان میانوالی روڈ پر بچوں کی سکول وین دھند کے باعث سامنے سے آنیوالے ٹرک سے ٹکرا گئی تھی۔ وین میں ڈرائیور سمیت 22 بچے سوار تھے۔ جاں بحق ہونے والوں میں وین ڈرائیور، اس کی بیوی، بیٹی اور بیٹا بھی شامل ہیں۔ نماز جنازہ میں لوگوں کی بڑی تعداد نے شرکت کی۔ اس موقع پر سارا علاقہ غم میں ڈوبا ہوا تھا اور رقت آمیز مناظر دکھائی دے رہے تھے۔ اہور سبزہ زار کے علاقہ میں تیز رفتار ڈمپر نے بے قابو ہو کر مو ٹر سائیکل سوار کو ٹکر مار دی جس کے نتیجے میں ماں بیٹی جاں بحق جبکہ بھائی شدید زخمی ہو گیا ۔ ملتان روڈ سے اکرم اپنی ولدہ نسیم بی بی اور بہن عا صمہ کے ہمراہ موٹر سائیکل پر جا رہا تھا کہ حادثہ ہو گیا ۔ نارنگ منڈی اور فیروزوٹوں میں ٹریفک حادثات، 3افراد جاں بحق، 75 زخمی ہوگئے۔ شدید دھندکے باعث لاہور نارو وال روڈپر چارٹریفک حادثات میں نثار احمد ہلاک اور پچا س سے زائد زخمی ہوگئے ۔جن میں سات کی حالت تشو یشنا ک بتائی جاتی ہے جبکہ کالاخطائی روڈپر دندیاں کے قریب مشتعل مظاہرین نے روڈبلاک کرکے دوگھنٹے تک زبرد ست احتجاجی مظاہرہ کیا اور تیز رفتاری کیخلاف کارروائی کا مطالبہ کیا۔ دندیاں کے قریب تیزرفتارمسافربس نے سوار یو ںسے بھرے موٹررکشہ کوٹکرماردی جس کے نتیجہ میں ایک شخص موقع پر ہلاک اور پانچ زخمی ہوگئے لبان والاکے قریب ٹریکٹر ٹرالی اور وین میں تصادم سے وین میں سوار سات عورتوںسمیت اٹھارہ مسافر زخمی ہوگئے چک 43کے قریب مسافر بس الٹ جانے سے چار عورتو ںسمیت 30مسافرزخمی ہوگئے ۔ دوسری طرف فیروزوٹواں کے قریب نجی کمپنی کی تیز رفتار بس کار کو اووڑ ٹیک کرتے ہوئے بے قابو ہوکر الٹ گئی جس کے نتیجہ میں 2 خواتین موقع پر جاں بحق جبکہ 35 کے قریب مرد،خواتین اور بچے شدید زخمی ہوگئے ۔ بس راولپنڈی سے فیصل آباد جارہی تھی ۔
فرمان الہی
نماز کے اوقات
