گجرات (نمائندہ جنگ) کنجاہ میں تیز رفتار بس اور ہائی ایس کے درمیان تصادم میں 2خواتین، 2کمسن بچے جاں بحق، 16افراد شدید زخمی ہو گئے، گذشتہ روز کنجاہ کے علاقہ کوٹ اللہ بخش کے قریب منڈی بہاؤالدین سے گجرات آنے والی بس نمبری ایس جی ایف 595، ہائی ایس نمبری جی ٹی سی 4698 سے جا ٹکرائی، جس کے نتیجہ میں ہائی ایس میں سوار عدالت گڑھ سیالکوٹ کی رہائشی نازیہ، رخسانہ، کمسن بچے غلام حسین اور حسنین موقع پر ہی جاں بحق ہو گئے، حادثہ میں بشیر، اللہ دتہ، ظفر، علی حیدر، عبدالغنی، عمر، حمزہ، صفیہ بی بی، مسکان سمیت 16افراد شدید زخمی ہوئے، جنہیں طبی امداد کیلئے عزیز بھٹی شہیداسپتال گجرات منتقل کر دیا گیا۔بس اور ہائی ایس کے ڈرائیورز فرار ہوگئے، پولیس کا کہنا ہے کہ حادثہ تیز رفتاری کے باعث پیش آیا۔
فرمان الہی
نماز کے اوقات
