راولپنڈی(اپنے رپورٹر سے)ہائی کورٹ بار راولپنڈ ی کے 25فروری کو ہونے والے انتخابات میں3814و وٹرز اپنا حق رائے دہی استعمال کریں گے۔ حتمی ووٹر لسٹ تیار ہوگئی ہے۔جس میں1270لا ئف ٹائم ممبرز ہیں۔ انتخابات کیلئے الیکشن بورڈ آج چارج لے کر کاغذات نامزدگی جمع کرے گا۔سینئر وکیل شیخ محمد ضمیر کی سربراہی میں25رکنی الیکشن بورڈ 25فروری کو ہونے والے انتخابات کیلئے کام کرے گا۔بورڈ میں وائس چیئر مین اظہر نوید شاہ،ممبران میں چوہدری وارث خان،ثناء اللہ زاہد،اکرام امین منہاس،چوہدری تنویر احمد ہنجرا اور فرخ عارف بھٹی بھی شامل ہیں۔15فروری کو سکروٹنی/اعتراضات کئے جاسکتے ہیں۔16فروری کواپیلوں کی سماعت ہوگی۔17فروری کو کاغذات نامزدگی واپس لئے جاسکتے ہیں۔18فروری کو حتمی لسٹ جاری ہوگی۔الیکشن بورڈ کے ضابطہ اخلاق کے تحت امیدواروں کی طرف سے کھانے دینے پر پابندی ہوگی۔پوسٹر،بینرز اور پلے کارڈ استعمال نہیں کئے سکتے۔
فرمان الہی
نماز کے اوقات
