اساتذہ کی قدر کیجئے

تعلیم و تربیت اُستاد کے بغیر ہرگز ممکن نہیں۔ پنجاب حکومت اساتذہ کو ان کے بنیادی حقوق سے محروم کر رہی ہے۔ پنجاب میں بیسیوں سال سے اساتذہ ایک ہی سکیل میں اپنا فرض منصبی سر انجام دے رہے ہیں۔ نہ پروموشن ہوتی ہے اور نہ سی ایم پیکیج بروقت دیا جاتا ہے۔ اساتذہ کی چھٹیاں بند، کنوینس الائونس کی کٹوتی، ڈراپ آئوٹ اور بچوں کی امتحانات میں ناکامی پر سزائیں، مار نہیں پیار کی آڑ میں اساتذہ کی تذلیل، کیا پنجاب کے اساتذہ اسی سلوک کے مستحق ہیں؟ وزیراعلیٰ پنجاب پوری سنجیدگی سے جس طرح علم کی شمع کو ہر گھر میں پہنچانا چاہتے ہیں اسی طرح استاد کو بھی اس کے تمام حقوق اس کی دہلیز پر فراہم کریں تاکہ پنجاب میں علم کی حقیقی شمع روشن کی جا سکے۔ لہٰذا ارباب اختیار اس معاملے پر توجہ فرمائیں۔
(عبدالرزاق)
arbajwa61@gmail.com

.