گوجرانوالہ(نمائندہ جنگ)گوجرانوالہ کے نواحی علاقہ بھٹی بھنگو میں 10سالہ بچہ پتنگ بازی کرتے ہوئے چھت سے گر کر ہلاک ہو گیاجبکہ گلے پر ڈور پھرنے سےایک شخص شدید زخمی ہو گیا ۔ بھٹی بھنگوکا 10سالہ علی پتنگ اڑاتے چھت سے گرا، ایمن آباد کے موٹر سائیکل سوار مقصود کا گلا کٹ گیا، تفصیلات کے مطابق حکومت پنجاب کی طرف سے پتنگ بازی پر لگائی گئی سخت پابندی کے باوجود گزشتہ روز شہر کے مختلف علاقوں پیپلز کالونی ، وحدت کالونی ، ڈسپوزل روڈ اور اندرون شہر کے علاقوں میں منچلے نوجوان چھتوں پر چڑھ کر پتنگ بازی کرتے رہے۔ بھٹی بھنگو کا رہائشی 10سالہ علی رضا گھر کی چھت پر چڑھ کر پتنگ بازی کر رہا تھا کہ پاؤں پھسلنے سے نیچے گلی میں جاگرا ۔ اسے طبی امدا دکیلئے ہسپتال منتقل کیا گیا لیکن وہ زخموں کی تاب نہ لاتے ہوئے دم توڑ گیا ۔کچا ایمن آباد کا رہائشی 36سالہ مقصود احمد موٹر سائیکل پرسوار ہوکر جی ٹی روڈ سے گزر رہا تھا کہ اندھی ڈور اس کے گلے میں آپھری جس سےوہ شدید زخمی ہو گیا ۔اسے ہسپتال داخل کروا دیا گیا ہے۔
فرمان الہی
نماز کے اوقات
