خیرپور (بیورو رپورٹ) خیرپور میں نہروں کی بھل صفائی اور مرمت کے لیے 9نہروں میں24فروری سے 3مارچ تک پانی بند کرنے کا فیصلہ کر لیا گیا ہے اس سلسلے میں محکمے آبپاشی ایسٹ ڈویژن کے انجینئر نے نہروں کی بندش کا شیڈول جاری کر دیا ہے جن نہروں میں آج 24فروری سے پانی بند کر دیا جائے گا ان میں سنہڑو واہ،علی بحر واہ،خان واہ ،بلاول واہ،سنیسا مائنر، ڈیڈھانومائنر،سون واہ ،سانوری مائنر او رکلری مائنر شامل ہیں۔ نہروں کی بھل صفائی اور مرمت کے بعد ان نہروں میں 4مارچ کو پانی چھوڑ دیا جائے گا۔ دریں اثناء آبادگاروں نے خیرپور کی 9نہروں میں پانی بند کرنے پر تشویش کا اظہار کیا ہے۔ آبادگاروں کا اس سلسلے میں کہنا ہے کہ حالیہ دنوں خیرپور میں نہروں کی بھل صفائی اور مرمت کے لیے ایک ماہ تک پانی بند کر دیا گیا تھا جس سے گندم اور دیگر فصلوں کو نقصان پہنچا اب دوبارہ نہریں بند کی جا رہی ہیں جس کی وجہ سے زرعی معیشت کو مزید نقصان ہو گا۔
فرمان الہی
نماز کے اوقات
