بہاولپور(ڈسٹرکٹ رپورٹر)سول سروسز اکیڈ می لاہور سے پاس آؤٹ ہونے والے افسران کے 20رکنی وفد نے 44ویں کامن ٹریننگ پروگرام کے تحت کنٹری سٹڈی ٹورز کے دوران گروپ لیڈر عدیل قدوسی کی قیادت میں کنٹونمنٹ بورڈ بہاولپور آفس کا وزٹ کیا ،جس میں انفارمیشن گروپ،آڈ ٹاینڈاکاؤنٹس، پولیس، کسٹمز، پوسٹل سمیت دیگر گروپس کے پاس آؤں ہونے والے افسران شریک تھے۔ ایگزیکٹو آفیسر کنٹونمنٹ بورڈ ظفر محمود اعوان نے اپنے دفتر آمد پر مہمانوں کو خوش آمدید کہا ،ایگزیکٹو آفیسر کنٹونمنٹ بورڈ بہاولپور ظفر محمود اعوان نے سول سروسز اکیڈمی سے پاس آؤٹ ہونے والے افسران کو مبارک باد دیتے ہوئے امید ظاہر کی کہ وہ مستقبل میں اختیارات تفویض ہونے کے بعداپنے ملک پاکستان کی ترقی کے لیے بھر پور محنت، جانفشانی اور جذبہ ایمانی کے تحت کام کریں گے ،کنٹونمنٹ بورڈ بہاولپور آفس میں وزٹ کے دوران وفد کو کنٹونمنٹ بورڈ بہاولپور کے نظم و نسق، سر گر میوں بارے بریفنگ دی گئی۔ آخر میں سول سروسز اکیڈمی کے وفد کی جانب سے ایگزیکٹو آفیسر کنٹونمنٹ بورڈ بہاولپور ظفر محمود اعوان کے اعزاز میں سوئینیر پیش کیا گیا۔
فرمان الہی
نماز کے اوقات
