کراچی (جنگ نیوز) پاکستان پیٹرولیم لمیٹڈ (پی پی ایل) بلوچستان فٹبال کپ 2017ءکے ڈویژنل راؤنڈ کے چوتھے دن دلچسپ مقابلے ہوئے۔ کوئٹہ ڈی ایف اے 2 کی ٹیم کو نوشکی نے یک طرفہ مقابلے میں 5-1 سے شکست دی۔ سبی اور کوہلو کے مابین میچ کا نتیجہ 4-1 رہا جس میں سبی کی ٹیم کامیاب ہوئی۔ لسبیلہ نے وشوک کو5-1 سے شکست دی ۔ ژوب نے موسیٰ خیل کو 4-1 سے ہرایا۔ ضلع قلات میں لسبیلہ اور قلات کا میچ سنسنی خیز مقابلے کے بعد ایک ایک گول پر بے نتیجہ ختم ہوا ۔ دونوں ٹیموں نے ایک دوسرے پر سبقت لے جانے کی بہت کوششیں کیں مگر کامیاب نہ ہوسکیں۔ ضلع کوئٹہ میں چاغی اور نوشکی کا میچ بغیر گول سے ڈرا ہوگیا ۔ ضلع مکران میں پنجگور اور تربت کا مقابلہ 2-2 سے برابر رہا۔
فرمان الہی
نماز کے اوقات
