بہاولپور(ڈسٹرکٹ رپورٹر)چڑیاگھر کے داخلے کی ٹکٹ کے ریٹس میں اضافے کافیصلہ، 6سال تک کے عمرکے بچوں کاداخلہ فری ہو گا ۔ تفصیلات کے مطابق کیوریٹرچڑیاگھر کی جانب سے کمپیٹنٹ اتھارٹی کوبھجوائے گئے لیٹر میں بتایاگیاہے کہ زومینجمنٹ کمیٹی کی میٹنگ میں فیصلہ کیاگیاتھاکہ سال 2017-18ء کیلئے چڑیاگھر میں داخلے کی ٹکٹ بڑھاکر 10روپے تک کردی جائے جبکہ چھ سال کے بچوں کاداخلہ فری کردیاجائے۔جبکہ چڑیاگھرکے جانوروں کو دوبارہ گوشت فراہم کرنے کیلئے 22روپے فی کلوکاریٹ دینے والے ٹھیکیدار کے حق میں منظوری کیلئے کیس ڈپٹی ڈائریکٹر وائلڈ لائف کوبھجوادیاگیا۔ ڈپٹی ڈائریکٹر وائلڈ لائف بہاولپور ریجن کو بھیجے جانیوالے تحریری مراسلے میں سفارش کی گئی ہے کہ گوشت اورچکن کی سپلائی کے ٹھیکے میں سب سے کم ریٹ دینے والے ٹھیکیدارمحمد بلال کے ریٹ کومنظورکیاجائے جوکہ 22روپے فی کلو ہے۔ اس حوالے سے شہریوں عمران یوسف، سیف الرحمان، فراز ہاشمی، چوہدری وسیم، ذیشان لکھویرا، حسیب الرحمان،سید اسد حسین نے سخت تشویش کااظہارکیاہے اور اعلیٰ حکام سے مطالبہ کیاہے کہ گوشت کے معیارکوچیک کیاجائے ۔
فرمان الہی
نماز کے اوقات
