گوجرانوالہ(نمائندہ جنگ)بی ایس سی آنرز کے ساتویں سمسٹر کے پرچہ ریسرچ میں فیل ہونیوالی 70طالبات کا والدین کے ہمراہ گورنمنٹ پوسٹ گریجویٹ کالج سیٹلائیٹ ٹاؤن کے باہر احتجاج، کالج انتظامیہ کیخلاف نعرے بازی ، گورنمنٹ پوسٹ گریجویٹ کالج کی بی ایس سی آنرز کی ساتویں سمسٹر کی 75طالبات نے ریسرچ کا پرچہ دیا جن میں سے 70طالبات فیل ہو گئیں صرف پانچ پاس ہو سکیں ،جنہوں نے کالج کے باہر بینرز اور پلے کارڈز اٹھا کر والدین کے ہمراہ احتجاج کیا ،طالبات کا کہنا تھا کہ ریسرچ کا پرچہ آؤٹ آف سلیبس آیا تھا جسے وہ حل نہیں کر سکتی تھیں ،کالج نے انہیں فیل کر دیا ،کالج انتظامیہ یا تو پرچہ دوباہ لیں یا پھر یونیورسٹی ان کے اس پیپر پر نظر ثانی کرے، احتجاج کا نوٹس لیتے ہوئے ڈپٹی ڈائریکٹر کالجز اقبال سرویا پہنچ گئے اور انہوں نے طالبات سے مذاکرات کئے اور انہیں یقین دہا نی کروائی کہ وہ ان کی بات یونیورسٹی تک پہنچائیں گے۔
فرمان الہی
نماز کے اوقات
