شیخوپورہ(نمائندہ جنگ )شہر اور اس کے نواحی علاقوں میں ڈکیتی وچوری کی کئی وارداتیں ہوئیں ہرن مینار کی آبادی ڈیرہ خورشید میں چار ڈاکو دن دیہاڑے مقامی شہری طارق محمود کے گھر میں داخل ہوکر اہل خانہ کو ایک کمرہ میں بند کرکے وہاں سے لاکھوں روپے مالیت کی ملکی وغیر ملکی کرنسی کے علاوہ زیورات اور دیگر قیمتی اشیاء لوٹ کر فرار ہوگئے ۔فیصل آباد روڈ پر فیروزوٹواں کے قریب واقع ایک سپیننگ مل کے ایڈمن مینجر شیخ اعجاز احمد کے دفتر سے پونے چار لاکھ روپے چوری ہوگئے ۔عبداللہ پور کولر کے قریب دو ڈاکو نوجوان زمیندار بلال مقصود سے موٹرسائیکل کے علاوہ بٹوا اور موبائل فون چھین کر فرار ہوگئے۔ سٹی فاروق نگر میں نامعلوم چور محمد شاہد کی موٹرسائیکل چوری کرکے لے گئے۔فیکٹری ایریا کے علاقہ نظام پورہ ڈھاکہ میں نامعلوم چور محمد ارسلان کی موٹرسائیکل لیکر فرار ہوگئے شرقپور کے علاقہ مڑھ بھنگواں میں نامعلوم چور رفاقت علی کا کیری ڈبہ چوری کرکے فرار ہوگئے۔تھانہ صدر کے علاقہ محلہ معراج پورہ میں نامعلوم چور عبداللطیف کی موٹرسائیکل لے اڑے ۔بھکھی روڈ پر نامعلوم چور محمد یوسف کی دکان کے تالے توڑ کر وہاں سے ایک لاکھ 30ہزار مالیت کا سامان نکال کر فرار ہوگئے۔پولیس مصروف تفتیش ہے ۔
فرمان الہی
نماز کے اوقات
