کراچی (جنگ نیوز) بلوچستان فٹبال کپ کے ڈویژ نل راؤنڈ کے ایک اہم میچ میں خاران نے دلچسپ مقابلے کے بعد لسبیلہ کو 1-0 سے شکست دی۔ ڈسٹرکٹ قلات میں کھیلا گیا یہ میچ انتہائی سنسنی خیز رہا ، دونوں ٹیموں نے ایک دوسرے کے گول پوسٹ پر بھر پور حملے کئے لیکن دونوں جانب سے دفاعی کھلاڑیوں نے انہیں ناکام کیا۔ میچ کا فےصلہ کن اور واحد گول خاران کی ٹیم کو ملنے والی پینلٹی شوٹ پرہوا۔ الیاس بلوچ کو میچ کا بہترین کھلاڑی قرار دیا گیا۔ مہمانِ خصوصی سابق صوبائی وزےرِ داخلہ میر صہیب جان نوشیروانی نے میچ کے اختتام پر کھلاڑیوں میں انعامات تقسیم کئے۔ چمن اور نوشکی کے مابین میچ 1-1 گول سے برابر رہا تاہم بہتر گول اوسط کی بنیاد پرچمن نے اگلے مرحلے کے لئے کوالیفائی کر لےا ۔ نوشکی کی ٹیم کو اگلے مرحلے تک رسائی کے لئے پلے آف میچ میں کامیابی حاصل کرنا ہوگی۔ قلعہ سیف اللہ اور ژوب کے درمیان میچ 2-2 سے برابر رہا۔اس میچ میں ژوب کی نمائندگی کرنے والے عنایت اللہ اور قلعہ سیف اللہ کے کھلاڑی صابر خان کو مشترکہ طور پر میچ کا بہترین کھلاڑی قرار دیا گیا۔ایک اور میچ میں تربت نے پنجگور کو1-0 سے شکست دی۔ تربت کے شبیر جان میچ کے بہترین کھلاڑی رہے۔
فرمان الہی
نماز کے اوقات
