بہاولپور(ڈسٹرکٹ رپورٹر)ڈپٹی کمشنر بہاول پور رانا سلیم افضل نے بطور سول ڈیفنس کنٹرولر کمبائنڈ کنٹرول ورپورٹ سنٹر سول ڈیفنس ہیڈ کوارٹر بہاول پور کا دورہ کیا۔انہوں نے کنٹرول سنٹر کے مختلف حصوں کا جائزہ لیتے ہوئے کمبائنڈ وکنٹرول سنٹر کو جدید سائنسی خطوط پر استوار کرنے کی ہدایت کی۔انہوں نے محکمہ سول ڈیفنس کی ترقی کے لئے تمام وسائل بروئے کار لانے کی ہدایت کی۔اس موقع پر چیف وارڈن جام سہیل مجید، ایڈیشنل چیف وارڈن الحاج احمد حسن ملک، ڈویژنل وارڈن الحاج جاوید اختر، ڈویژنل وارڈن عطااللہ قریشی اور سول ڈیفنس کے رضاکار موجود تھے۔ دریں اثنا سول ڈیفنس آفیسر فریحہ جعفر نے محکمہ شہری دفاع اور اس کی کارکردگی سے متعلق بریفنگ دی۔انہوں نے بم ڈسپوزل سکواڈ کی کارکردگی کے حوالہ سے اہم معلومات فراہم کیں۔
فرمان الہی
نماز کے اوقات
