لیہ......لیہ کے نواحی علاقے میں کاؤنٹر ٹیررازم ڈیپارٹمنٹ کے ساتھ مقابلے میں کالعدم تنظیم کے 3 دہشتگرد مارے گئے جبکہ 3 رات کی تاریکی کا فائدہ اٹھا کر فرار ہو گئے۔
ترجمان سی ٹی ڈی کے مطابق پولیس نےچوک اعظم لیہ کے قریب جنگل گولے والا میں کالعدم تنظیم کے 6 دہشتگردوں کی گرفتاری کیلئے چھاپہ مارا ، دہشتگردوں نے ہینڈ گرنیڈ پھینکنا چاہا، لیکن وہ ان کے قریب ہی پھٹ گیا، جس سے دہشتگرد زخمی ہو گئے ، لیکن انھوں نے سی ٹی ڈی اہلکاروں پر فائرنگ کردی، فائرنگ کے تبادلے میں 3 دہشتگرد مارے گئے جبکہ 3 فرار ہو گئے۔
ترجمان کے مطابق دہشت گردوں کے قبضے سے بھاری مقدار میں اسلحہ برآمد ہوا ہے، دہشت گرد قانون نافذ کرنے والے اداروں اور انتہائی اہم تنصیبات پر حملوں کی منصوبہ بندی کر رہے تھے۔
فرمان الہی
نماز کے اوقات
