گجرات (نمائندہ جنگ) گجرات چیمبر آف کامرس اینڈ انڈسٹری کے سابق صدر اور ایف پی سی سی کے امیدوار برائے نائب صدر عرفان یوسف نے کہا ہے کہ گجرات چیمبر کے زیر اہتمام منعقد ہونے والی صنعتی نمائش ملک بھر میں اہم مقام حاصل کر چکی ہے، ملک بھر کے صنعتکار اس صنعتی نمائش میں بھرپور شرکت کرتے ہیں اور اپنی مصنوعات کو متعارف کرواتے ہیں، انہوں نے کہا کہ اگلے ماہ میں ہونے والی صنعتی نمائش انٹرنیشنل معیار کی ہو گی، جس میں بین الاقوامی معیار کی مصنوعات کو گجرات کے شہریوں کیلئے متعارف کروایا جائے گا، انہوں نے کہا کہ ملک بھر میں سب سے پہلے گجرات چیمبر کے پلیٹ فارم پر صنعتی نمائش کا آغاز کیا گیا جو آج کامیابی سے جاری ہے اور اس صنعتی نمائش کو مزید بہتر بنایا جا رہا ہے۔
فرمان الہی
نماز کے اوقات
