ملتان( سٹاف رپورٹر)ملتان پولیس نےجرائم پیشہ عناصر کے خلاف کارروائی کرتےہوئے 6منشیات فروش ،ایک ناجائز اسلحہ،15جواری ،ایک بھکاری ، 6 بدکاری، 2 تیز رفتار،ایک گیس ری فل ، 2 سائونڈ سسٹم اور42اشتہاریوں سمیت76ملزمان گرفتار کرلئے۔ ملزموں سے50 لیٹر شراب،1150 گرام چرس،01 ریوالور معہ 2گولیاں برآمدہوئیں۔ پولیس تھانہ قطب پور نے ملزم سلیم اختر سے 20 لیٹر شراب، ملزم ندیم سے 6 لیٹر شراب، پولیس تھانہ کینٹ نے ملزم انتظار سے 20 لیٹر شراب، پولیس تھانہ دہلی گیٹ نے ملزم قاصد سے 1150 گرام چرس، ملزم عدنان سے 2 لیٹر شراب، ملزم دائود سے 2 لیٹر شراب برآمد کر کے مقدمات درج کر لئے۔ پولیس تھانہ سٹی جلالپور نے ملزم یعقوب سے ریوالور معہ 2 گولیاں برآمد کر کے مقدمہ درج کر لیا پولیس تھانہ بی زیڈ نے ملزم معاذ، پولیس تھانہ لوہاری گیٹ نے ملزم عدنان کو تیز رفتاری پر قابو کر کے مقدمات درج کر لئے۔ پولیس تھانہ شاہ شمس نے ملزم پٹھانی مائی کو بھیک مانگنے پر قابو کر کے مقدمہ درج کر لیا۔ پولیس تھانہ شاہ رکن عالم نے ملزمان نذر عباس، وسیم، ارم، نادیہ، گوشی، فوزیہ و بدکاری کرنے پر قابو کر کے مقدمہ درج کر لیا۔ پولیس تھانہ لوہاری گیٹ نے ملزم غلام مصطفی کو غیر گیس ری فل کرنے پر قابو کر کے مقدمہ درج کر لیا۔ پولیس تھانہ مخدوم رشید نے ملزم نواز،سجاد کو اونچی آواز میں ٹیپ چلانے پر قابو کر کے مقدمات درج کر لئے۔ ملتان پولیس نے گزشتہ چوبیس گھنٹے کے دوران136نان رجسٹر ڈ موٹرسائیکلوں کوقبضہ میں لیا ۔ملتان پولیس نے42اشتہاریوں کو گرفتار کرلیا۔
فرمان الہی
نماز کے اوقات
