کراچی(اسٹاف رپورٹر) پہلے چیف آف نیول اسٹاف ہاکی ٹورنامنٹ کی افتتاحی تقریب جمعرات کو دوپہر ڈھائی بجے ہاکی کلب میں ہوگی جس کے مہمان خصوصی کمانڈر پاکستان نیوی ایڈمرل عارف اللہ حسینی ہونگے ۔ دریں اثناء ٹورنامنٹ کے میچز بدھ سے ہاکی کلب میں شروع ہوگئے ۔قومی چیمپئن پی آئی اے نے پورٹ قاسم 1-5سے ہرایا۔ فاتح ٹیم کےعاطف مشتاق نے دو جبکہ محمد زبیر ، احسان اللہ اور ابوبکر نے ایک ایک گول کیا ۔ پی آئی اے نے نو اور پورٹ قاسم نے آٹھ پنالٹی کارنر حاصل کیے۔ پورٹ قاسم کا واحد گول وہاب ریاض نے اسکور کیا۔ پاکستان آرمی نے پاکستان ایئر فورس کو 2-1سے مات دے کر اپنی مہم کا کامیابی سے آغاز کیا۔ ابتدائی دو کوارٹرز میں کوئی بھی ٹیم گیند کو جال کی راہ دکھانے میں کامیاب نہ ہوسکی،پی اے ایف نے میچ برتری حاصل کی البتہ آرمی کی جانب سے یاسر اور عبد الجبار نے دو منٹ کے اندر اتنے ہی گول بناکر ٹیم کو فتح دلادی۔
فرمان الہی
نماز کے اوقات
