سانگھڑ( نامہ نگار ) پولیس کی جرائم پیشہ عناصر کے خلاف کارروائیاں ، دو روپوش ملزمان سمیت 19 ملزمان گرفتار۔اسلحہ و منشیات برآمد۔ تفصیلات کے مطابق سانگھڑ پولیس نے گزشتہ ایک ہفتے کے دوران جرائم پیشہ عناصر کے خلاف کارروائیاں کرتے ہوۓ دو روپوش ملزمان سمیت 19 ملزمان گرفتار کرکے اسلحہ و منشیات برآمد کرلیں۔ کھپرو پولیس نے ملزم واصف راجڑ سے ایک ٹی ٹی پستول جبکہ سرہاری پولیس نے فتح زرداری سے ایک رپیٹر اور آٹھ کارتوس برآمد کرلیے۔ سرہاری میں ہی منشیات فروشی کے مقدمات میں روپوش ملزمان وریام جمالی اور غلام علی مگسی کو گرفتار کرلیاگیا۔کھپرو تھانے کی حدود میں منشیات فروش وزیر رند کو گرفتار کرکے ڈیڑھ کلو چرس برآمد کی گئی۔ دیسی شراب کی فروخت میں ملوث سات ملزمان ماجد راجپوت،سلیم ڈاہری،امرشی کولہی،اختر،عرفان شیخ، لقمان شیخ،لطف رند کو گرفتار کرکے سیکڑوں لیٹر دیسی شراب برآمد کی گئی۔ تیز دھار زرعی آلات چلا کر سڑکوں کو نقصان پہنچانے پر چار ٹریکٹر ڈرائیوروں کمال دین شر،عبدالعزیز بروہی،اکبر سولنگی،لیلو بھیل کو گرفتار کرکے ٹریکٹر سمیت چالان کیا گیا۔
فرمان الہی
نماز کے اوقات
