گجرات (نمائندہ جنگ) وفاقی وزیر ریلوے خواجہ سعد رفیق نے کہا ہے کہ سیاسی جماعتیں اور سیاستدان آپس میں اختلاف رائے بھی رکھتے ہیں مگر عمران خان کو اس بات کی سمجھ کبھی نہیں آئیگی، پاک فوج اور آرمی چیف ہمارے ہیں، آرمی چیف سے عمران خان سمیت کوئی بھی مل سکتا ہے، لاہور میں مردم شماری ٹیم پر حملے کے باوجود مردم شماری کا عمل وقت پر مکمل کیا جائے گا، ان خیالات کا اظہار انہوں نے گزشتہ روز کھاریاں میں پیپلز پارٹی کے مرکزی رہنما قمر زمان کائرہ کی صاحبزادی کی شادی کے موقع پر میڈیا سے گفتگو کرتے ہوئے کیا، خواجہ سعد رفیق نے کہا کہ یہ ایک حقیقت ہے کہ پیپلز پارٹی اور مسلم لیگ ن سیاسی جماعتیں ہیں پی ٹی آئی ترجمان نعیم الحق نے سابق آرمی چیف اشفاق پرویز کیانی، امریکہ اور سعودی عرب پر جو الزامات لگائے ان سے ان کی جماعت اور وہ خود ہی پیچھے ہٹ گئے قمر زمان کائرہ کی محبت میں ان کی بیٹی کی تقریب رخصتی میں آیا ہوں، انہوں نے کہا کہ بجلی کی لوڈشیڈنگ کے خاتمہ کیلئے حکومت کام کر رہی ہے، لوڈشیڈنگ کا خاتمہ کر کے دکھائیں گے۔
فرمان الہی
نماز کے اوقات
