سرگودھا (نمائندہ جنگ) ضلعی چیئر مین زکوٰۃ وعشرکمیٹی رائے حامد رضا بھٹی نے یونیورسٹی آف سرگودھا کے طلبہ کے لئے موراسکالر شپ کی مد میں 14لاکھ روپے کا چیک وائس چانسلر ڈاکٹر اشتیاق احمد کے حوالے کیا ۔اس موقع پرتقریب سے خطاب کرتے ہوئے رائے حامد رضا بھٹی نے کہا کہ محکمہ زکوٰۃ ضلع بھر کے تعلیمی اداروں کے مستحق طلباء و طالبات کے لئے سکالر شپ کی مد میں مالی امداد فراہم کررہا ہے اور اس رقم میں بتدریج اضافہ کیا جارہا ہے ۔ ووکیشنل اداروں ، دینی مدارس ، سکولوں ،کالجوں سمیت یونیورسٹی کے طلباء و طالبات اس سکیم سے مستفید ہورہے ہیں ۔وائس چانسلر ڈاکٹر اشتیاق احمد نے کہا کہ ضلعی محکمہ زکوٰۃ جس طرح مستحق طلبہ و طالبات کی حوصلہ افزائی کررہا ہے وہ قابل تحسین ہے اس سے اُن طلبہ کو تعلیمی مواقع حاصل ہوں گے جو مالی مسائل کی وجہ سے تعلیمی سلسلہ قائم نہیں رکھے سکتے ۔
فرمان الہی
نماز کے اوقات
