شیخوپورہ (نمائندہ جنگ )ٹریفک حادثات میں سینئر وکیل سمیت 3 افراد جاں بحق ہو گئے ۔ شیخوپورہ بائی پاس کے قریب ایک گاڑی نے سڑک عبور کرنیوالے ڈسٹرکٹ بار ایسوسی ایشن کے سینئر وکیل چودھری شکیل انور ورک کو ٹکر ماردی جس سے وہ مضروب ہوگئے ان کو فوری طور پر ڈی ایچ کیوہسپتال لایا گیا مگر وہ جانبر نہ ہوسکے وہ گاؤں شادمان کے زمیندار چودھری انور ورک کا بیٹا تھا ۔لاہو رروڈ منڈیالی کے قریب ٹریکٹر ٹرالی سے ڈمپر ٹکراگیا جس کے نتیجہ میں ٹریکٹر ٹرالی پر سوار فیصل آباد کا رہائشی 42سالہ عثمان جاں بحق ہوگیا،جی ٹی روڈ فیروزوالہ کے قریب نامعلوم کار نے سڑک کنارے کھڑے معمر شخص کو ٹکر ماردی جس سے وہ موقع پر جاں بحق ہوگیا،پولیس مصروف تفتیش ہے
فرمان الہی
نماز کے اوقات
