اسلام آباد( طاہر خلیل)وزیر خزانہ اسحق ڈار نے چیئرمین سینٹ رضا ربانی کو منالیارضا ربانی راضی ہوگئے۔ پیر کو اجلاس ہوگا اور صدارت کریں گے، اس بات کااعلان وزیر خزانہ سینیٹر اسحق ڈار نے ہفتے کی شام قائد ایوان راجہ ظفر الحق کے ہمراہ رضا ربانی سے ملاقات کے بعد کیا۔ وزیر خزانہ کی چیئرمین سینٹ سے 24 گھنٹوں میں یہ دوسری ملاقات تھی۔ ملاقات میں میاں رضا ربانی کے ہمراہ سینیٹر شیری رحمان اورسینیٹر تاج حیدر بھی تھے۔ ایک گھنٹےسے زائد جاری رہنے والے اجلاس میں پی پی پی کے رہنمائوں اورچیئرمین سینٹ نے پارلیمانی بزنس میں حکومت کی عدم دلچسپی اور وزرا کی غیر حاضری پر بات کی۔ وزیراعظم کی طرف سے اسحق ڈار نے میاں رضا ربانی کو یقین دلایا کہ وزرا سینٹ میں حاضری بہتر بنائیں گے بعد میں میڈیا سے بات چیت کرتے ہوئے اسحق ڈار نے کہاکہ چیئرمین سینٹ رضا ربانی نے ناراضگی ختم کردی اور پیر کو اجلاس بلائیں گے۔ رضا ربانی نے جمعہ کو وزرا کی عدم حاضری پر سخت برہمی کا اظہار کرتے ہوئے اجلاس برخواست کردیا تھا اورچیئرمین کی حیثیت سے کام چھوڑ دیا تھا، انہوں نے بطور احتجاج ایران کا دورہ بھی منسوخ کردیا تھا۔
فرمان الہی
نماز کے اوقات
