صوابی(نمائندہ جنگ) خیبرپختونخوا اسمبلی کے سپیکر اسد قیصر نے کہا ہے کہ پی ٹی آئی روز بروز مضبوط قوت بنتی جارہی ہے صوبہ خیبر پختونخوا میں پاکستان تحریک انصاف کا گراف تیزی سے اُوپر جارہا ہے ،ان خیالات کااظہارانہوں نے ممتاز سماجی شخصیت فضل ودود خان کلابٹ سے ملاقات کے دوران کیا، اس موقع پر فضل ودود خان نے پی ٹی آئی میں شمولیت کا اعلان کیا اور کہا کہ وہ پی ٹی آئی کے نظریئے پر بہت پہلے سے اعتماد کر چکے تھے اور قومی وطن پارٹی چھوڑنے کا فیصلہ بھی اس لئے کیا تھا کہ آئندہ سیاست عمران خان کی قیادت میں پی ٹی آئی کے جھنڈے تلے کرونگا، سپیکر اسد قیصر کا کہنا تھا کہ فضل ودود خان کی شمولیت سے پارٹی مزید مضبوط ہو گی ان کی ضلع صوابی کے عوام کے لئے خدمات کسی سے ڈھکی چھپی نہیں فضل ودو د کو پی ٹی آئی میں شمولیت پر خوش آمدید کہتے ہیں، ان کا کہنا تھا کہ وزیر اعلیٰ کے دورہ چین سے واپسی پر ضلع صوابی کے لئے گیس کی فراہمی پر عملی کام شروع ہو جائیگا جب کہ ٹیکنیکل یونیورسٹی کے قیام کے لئے اراضی کے حصول کے لئے محکمہ مختلف علاقوں کا جائزہ لے کر موزوں جگہ کا انتخاب کرےگی۔
فرمان الہی
نماز کے اوقات
