سکھر(بیورو رپورٹ)آل سندھ انٹر ڈسٹرکٹ بخت علی ڈھوت ہاکی چیمپئن شپ 5فروری سے خیرپور میں شروع ہوگی۔، سندھ ہاکی ایسوسی ایشن کی جانب سے ڈسٹرکٹ ہاکی ایسوسی ایشن خیرپور کے زیر اہتمام کھیلے جانے والی اس چیمپئن شپ میں کراچی ،حیدرآباد سمیت سندھ کے 12اضلاع کی ٹیمیں حصہ لیں گی۔ ان 12ٹیموں کے لئے 4پول بنائے گئے اور چیمپئن شپ میں تمام میچز لیگ سسٹم کی بنیاد پر کھیلے جائیں گے۔ سندھ ہاکی ایسوسی ایشن کے سیکریٹری محمد رمضان جمالی نے سکھر میں میڈیا سے بات چیت کرتے ہوئے بتایا کہ آل سندھ انٹر ڈسٹرکٹ ہاکی چیمپئن شپ 5فروری سے 11فروری تک خیرپور کے لقمان ہاکی گراؤنڈ میں منعقد کی جائے گی، چیمپئن شپ میں کراچی ، حیدرآباد، میرپور خاص، نواب شاہ، سانگھڑ، دادو، نوشہروفیروز، خیرپور، سکھر، لاڑکانہ ،جیکب آباد اور شکارپور کی ٹیمیں حصہ لیں گی۔
فرمان الہی
نماز کے اوقات
