گجرات (نمائندہ جنگ) ڈکیتی و چوری کی 7 وارداتوں میں موٹر سائیکل، نقدی، زیورات، موبائل فونز اور بیٹریاں لوٹ لی گئیں، سول لائن گجرات کے علاقہ جی ٹی روڈ پر واقع عیدگاہ کے قریب خالد محمود وغیر ہ 2 افراد نے شفیع آباد کے رہائشی حسن نواز سے موبائل فونز وغیرہ، کنجاہ کے علاقہ محلہ پیر سبزی غازی سے 4 افرادنے محمد اعجاز وڑائچ کی دکان میں گھس کر اس کے بیٹے اور بھتیجے سے نقدی15ہزارروپے اور موبائل فون وغیرہ جبکہ سٹی جلالپورجٹاں کے علاقہ ٹانڈہ چوک سے مردوخواتین ایک بیوہ خاتون یاسمین کوثر سے طلائی زیورات وغیرہ چھین کر لے گئے، سول لائن کے علاقہ گلبرگ کالونی سے چور نفیس ریاض کی موٹر سائیکل، سول لائن ہی کے علاقہ شاہین چوک کے قریب چور نارووالی کے رہائشی محمد اصغر کی دکان سے 58موبائل فونز اور 10ہزارروپے مالیت کے موبائل کارڈز وغیرہ، شادمان کالونی سے شاہد قادری وغیرہ گھنسیہ کے رہائشی نبیل احمد کے 3 موبائل فونز وغیرہ جبکہ گلیانہ کے گاؤں پیارا سے محمد عمران وغیرہ 5 افراد محمد ارشد کے گھر لگے ٹاور سے24بیٹریاں چوری کرکے لے گئے، پولیس نے مقدمات درج کرلیے۔
فرمان الہی
نماز کے اوقات
