گجرات (نمائندہ جنگ)ڈکیتی و چوری کی 6 وارداتوں میں موٹر سائیکل، نقدی، زیورات، موبائل فونز، گھریلوسامان اور مال مویشی لوٹ لیے گئے، صدر لالہ موسیٰ کے گاؤں چوہان کلاں میں خاں محمد وغیرہ 4افراد خاتون فہمیدہ خانم کے گھر گھس کر نقدی، زیورات اور گھریلوسامان وغیرہ لوٹ کر لے گئے، سٹی جلالپورجٹاں کے علاقہ جناح کالونی سے نامعلوم ڈاکو محمد شریف کی ہمشیرہ سے طلائی کانٹے چھین کر لے گئے، سٹی جلالپورجٹاں ہی کے علاقہ کلرک پورہ سے محمد ارشد نے حاضر علی کا موبائل فون،ڈنگہ کے علاقہ سے جنید عرف جیدی نے شرمان جمشید کی موٹر سائیکل ، ڈنگہ کے گاؤں چنن سے نامعلوم چور الیاس احمد کے گھر سے نقدی، زیورات او رموبائل فون وغیرہ جبکہ تھانہ ڈنگہ ہی کے گاؤن یقین پور سے اعظم وغیرہ منظور احمد کا بکرا مالیتی18ہزار روپے چوری کھول کر لے گئے، پولیس نے مقدمات درج کرلیے۔
فرمان الہی
نماز کے اوقات
