کراچی (اسٹاف رپورٹر) کراچی ہاکی ایسوسی ایشن کے صدر ڈاکٹر جنید علی شاہ نے کہا ہے کہ منورالزماں ویٹرنز ہاکی ٹور نامنٹ میں شریک ہر ٹیم میں کے ایچ اے اکیڈمی کے دو، دو کھلاڑیوں کو بھی شامل کیا جائے گا۔ کے ایچ اے اسٹیڈیم میں میڈیا سے بات چیت کرتے ہوئے انہوں نے کہا کہاس ایونٹ کے لئے کلبوں کی رجسٹریشن کے لئے ایک تاریخ مقرر کی گئی تھی مگر جن کلبوں نے اسے نظر انداز کیا انہیں شامل نہیں کیا گیا مگر اس اس موقع پر میں نے کے ایچ اے کے حکام سے کہا ہے کہ منور الزماں مرحوم کے کلب ویٹرنز اور دیگر تین کلبوں کو بھی شامل کرنے کو کہا ہے مگر آئندہ کسی بھی ایونٹ میں نظم وضبط پر کوئی سمجھوتہ نہیں کیا جائے گا،جلد انٹر اسکولز ہاکی ایونٹ کا بھی انعقاد کیا جائے گا۔ انہوں نے کہا کہ کے ایچ اے اسٹیڈیم میں آسٹروٹرف کی تنصیب کا کامجلدمکمل ہوجائے گا۔ کے ایچ اے کے سکریٹری سید حیدر حسین نے کہا کہ خواتین کھلاڑیوں کے ساتھ بھی مالی معاہدہ کرینگے۔ تقریب میں کے ایچ اے کے چیئرمین گلفراز خان اسماعیل شاہ ،ریاض الدین،اعجاز الدین ودیگر شریک تھے۔
فرمان الہی
نماز کے اوقات
