ملتان (نمائندگان ) لیہ،دھوری اڈہ، گڑھا موڑ، دائرہ دین پناہ میں حادثے ،5افراد جاں بحق ہوگئے تفصیلات کے مطابق دھوری اڈہ چک 393ٹی ڈی اے کا عمردرازولد محمدرمضان موٹرسائیکل پرآرہا تھا کہ گولہ اڈہ کے قریب گجر بس سٹاپ پرنامعلوم گاڑی نے ٹکرمارکرکچل دیا جس سے عمردرازموقع پر جاں بحق ہو گیا۔ غلہ منڈی گڑھا موڑ کے سامنے سائیکل اور موٹر سائیکل کے تصادم کے نتیجے میں عابد اور اسکی بیوی مختار مائی زخمی ہوگئے جبکہ چک114 ڈبلیو بی کے بالمقابل وہاڑی ملتان روڈ پر ڈالہ اور موٹر سائیکل کے تصادم میں عبدالرزاق اور شیر افضل زخمی ہوئے عبدالزراق نشتر ہسپتال میں دوران آپریشن جاں بحق ہو گیا ۔لیہ بائی پاس روڈ پر سبزی منڈی کے قریب تیز رفتار گاڑی نے موٹر سائیکل سوار محمد شفیع کو ٹکر دے ماری جس سے 25 سالہ محمد شفیع دم توڑ گیا ، چوک اعظم لیہ روڈ پر بھاگل کے قریب دو موٹر سائیکل آپس میں ٹکرا گئے جس سے زخمی ہونیوالے نوجوان محمد یوسف کو ضلعی ہسپتال لایا گیا تاہم وہ جانبر نہ ہوسکا ۔ دائرہ دین پناہ کا سترہ سالہ محمد یونس موٹر سائیکل پرقصبہ گجرات جا رہا تھا کہ راستے میں تیز رفتا رموٹر سائیکل اس سے ٹکرا گیا جس سے نوجوان شدید زخمی ہو گیاجسے نشتر ہسپتال لے جایا جا رہا تھا وہ راستے میں جاں بحق ہو گیا۔
فرمان الہی
نماز کے اوقات
